17 March 2017

மஜபாகித் பேரரசு

இந்தோனேசியாவை ஆயிரம் ஆண்டுகளுக்கும் மேலாக பற்பல இந்தியப் பேரரசுகளும் சிற்றரசுகளும் ஆட்சிகள் செய்து உள்ளன.


மஜபாகித் பேரரசு (ஆங்கிலம்: Majapahit Empire; இந்தோனேசியம்: Karaton Mojopahit) கி.பி.1293 முதல் கி.பி.1500ஆம் ஆண்டுகள் வரை இந்தோனேசியாவை ஆட்சி செய்த மாபெரும் இந்தியப் பேரரசு. அந்தப் பேரரசைச் சங்கராமா விஜயா (Nararya Sangramawijaya) எனும் ராடன் விஜயன் உருவாக்கினார். இவர் 1293 முதல் 1309 வரை ஆட்சி செய்து இருக்கிறார்.

இந்தோனேசியா, சிங்கப்பூர், மலாயா, புருணை, தென் தாய்லாந்து, பிலிப்பைன்ஸ், கிழக்குத் தீமோர் போன்ற நாடுகள் கி.பி. 1350 லிருந்து 1389 வரையில் மஜபாகித் பேரரசிற்குத் தலை வணங்கி தஞ்சம் கேட்ட நாடுகள். 96 சிற்றரசுகள் கைகட்டிச் சேவகம் பார்த்தன.


பரமேஸ்வரா மலாக்காவைத் தோற்றுவிப்பதற்கு முன்பு இருந்தே மஜபாகித் பேரரசு மலாயாவின் பல இடங்களைத் தன் கட்டுப்பாட்டில் வைத்து இருந்தது.

1365 ஆம் ஆண்டு  நகரகிரேதாகமம் (Nagarakretagama) எனும் ஒரு நூல் எழுதப் பட்டது. இந்த நூலின் மற்றொரு பெயர் தேசவர்ணம் (Desawarñana). அதன் ஆசிரியர் மப்பு பிரபஞ்சா (Mpu Prapanca). அந்த நூலில் மஜபாகித் அரசைப் பற்றி வியக்கத் தக்க செய்திகளை விட்டுச் சென்று உள்ளார்.

ரொம்ப வேண்டாங்க. லக்சா கேள்விப்பட்டு இருப்பீர்கள். மலேசியர்களின் மதிப்பிற்குரிய உணவு. இந்த லக்சா யாருடையது தெரியுங்களா. மஜபாகித் மக்களுடையது. அவர்கள் தான் 13 – 14 நூற்றாண்டில் இந்த லக்சா உணவை மலாயாவுக்குக் கொண்டு வந்தார்கள். இந்த விசயம் எத்தனைப் பேருக்குத் தெரியும். சொல்லுங்கள்.


இந்த உண்மைகளை மலேசிய வரலாற்று ஆசிரியர்கள் ஏற்றுக் கொள்வார்களா இல்லையா. தெரியவில்லை. அது நமக்குப் பிரச்சினையும் இல்லை. நம் தரப்பில் தக்கச் சான்றுகள் உள்ளன. சன்னம் சன்னமாய் அந்த வரலாற்று உண்மைகளை வெளியுலகத்திற்குத் தெரியப் படுத்துவோம். அதுவே மலேசியத் தமிழர்களின் தலையாயக் கடமையாக இருக்க வேண்டும்.

(சான்று: http://www.globalsecurity.org/military/world/malaysia/history-majapahit.htm -  1350-1400Majapahit empire controlled most of Peninsular Malaysia and the Malay Archipelago.)

(சான்று:      http://bernama.com/bernama/v3/bm/news_lite.php?id=457821 - After Majapahit had conquered Palembang, the favourite culinary dish then was laksa. It was the dish of choice throughout the empire of Majapahit.)

இந்தோனேசியாவில் இந்தியப் பேரரசுகள்

1. ஜலநகரப் பேரரசு - மேற்கு ஜாவா (Salakanagara Kingdom) கி.பி. 130 – 362

2. கூத்தாய் பேரரசு - களிமந்தான் போர்னியோ (Kutai Kingdom) கி.பி. 350 – 1605

3. தர்மநகரப் பேரரசு - ஜகார்த்தா (Tarumanagara Kingdom) கி.பி. 358 - 669

4. கலிங்கப் பேரரசு - மத்திய ஜாவா (Kalingga Kingdom) கி.பி. 500 – 600

5. மெலாயு பேரரசு - ஜாம்பி சுமத்திரா (Melayu Kingdom) கி.பி. 600

6. ஸ்ரீ விஜய பேரரசு - சுமத்திரா (Srivijaya Kingdom) கி.பி. 650 - 1377

7. சைலேந்திரப் பேரரசு - மத்திய ஜாவா (Shailendra Kingdom) கி.பி. 650 - 1025

8. காலோ பேரரசு - மேற்கு ஜாவா (Galuh Kingdom) கி.பி. 669–1482

9. சுந்தா பேரரசு - மத்திய ஜாவா (Sunda Kingdom) கி.பி. 669–1579

10. மத்தாரம் பேரரசு - கிழக்கு ஜாவா (Medang Kingdom) கி.பி. 752–1006

11. பாலி பேரரசு - பாலி (Bali Kingdom) கி.பி. 914–1908

12. கௌரிபான் பேரரசு - கிழக்கு ஜாவா (Kahuripan Kingdom) கி.பி. 1006–1045

13. கெடிரி பேரரசு - கிழக்கு ஜாவா (Kediri Kingdom) கி.பி. 1045–1221

14. தர்மாசிரியா பேரரசு - மேற்கு சுமத்திரா (Dharmasraya) கி.பி. 1183–1347

15. சிங்காசாரி பேரரசு - கிழக்கு ஜாவா (Singhasari Kingdom) கி.பி. 1222–

16. மஜபாகித் பேரரசு - ஜாவா - (Majapahit Kingdom) கி.பி. 1293–1500

02 March 2017

மொரிசியஸ் தமிழர்

மொரிசியஸ் (Mauritius) ஆப்பிரிக்கக் கண்டத்திற்குத் தென் கிழக்கு கடலோரப் பகுதியில் இருக்கும் ஒரு தீவு நாடு. மடகாஸ்கர் தீவுக்கு 900 கி.மீ. கிழக்கே அமைந்து உள்ளது

மொரிசியஸ் தீவு நீண்ட காலமாக அறியப் படாமலும் மனிதவாசம் இல்லாமலும் இருந்தது. முதன்முதலில் மத்திய காலப் பகுதியிலே அராபியக் கடலோடிகள் இங்கு வந்தனர்.


தமிழர்கள் இந்த நாட்டின் வளர்ச்சியில் முக்கிய பங்கு ஆற்றி உள்ளனர். தமிழர்கள் பலர் அமைச்சர்களாகவும் நீதிபதிகளாகவும் பதவி வகித்து உள்ளனர். சில பள்ளிகளில் தமிழ் மொழி பாடமாகக் கற்பிக்கப் படுகிறது. 

அண்மையில் தமிழ்நாடு அரசு இவர்களின் தமிழ்க் கல்விக்கு உதவி செய்ய முன்வந்தது. இந்த நாட்டின் பணத்தில் தமிழ் எழுத்துக்கள் மற்றும் தமிழ் எண்கள் பொறிக்கப்பட்டு இருப்பது குறிப்பிடத் தக்கது.



மொரிசியசில் வாழும் தமிழ் மக்களை மொரிசியஸ் தமிழர் எனலாம். இவர்கள் மொரிசியசின் பல பகுதிகளில் வாழ்கின்றனர். ஏறக்குறைய 75,000 பேர். இவர்கள் தங்களை இந்துத் தமிழர்கள் எனத் தெரிவித்துக் கொள்கின்றனர். இவர்களில் 54,000 பேர் தங்களின் தாய்மொழி தமிழ் எனத் தெரிவித்தனர். 

இவர்களில் 3,650 பேர் மட்டுமே தங்கள் வீட்டில் தமிழை அதிகமாகப் பேசுகின்றனர். மேலும் 3,300 பேர் தமிழும் இன்னொரு மொழியையும் வீட்டில் பேசுகின்றனர்.


தமிழர்கள் திறமை வாய்ந்த உழைப்பாளிகள். அவர்களைக் கௌரவிக்கும் விதமாக மொரிசியஸ் அரசு, மொரிசியஸ் ரூபாய் பணத்தில் தமிழ் எழுத்துக்களை அச்சிட்டு வெளியிடுகிறது. தைப்பூசம், தீபாவளிப் பண்டிகைகள் சிறப்பாகக் கொண்டாடப் படுகின்றன. 

பல இன மக்களின் மொழிக் கலப்பால் மொரிசியஸ் கிரியோல் என்னும் மொழி உருவானது. இந்த மொழியின் பல சொற்கள் தமிழில் இருந்து பெறப் பட்டவை.


தங்கள் பண்பாட்டைப் பேணிக் காப்பதற்காகத் தமிழ் கருத்தரங்குகள் நடைபெறுகின்றன. சன்னாசி, சுப்பிரமணி, பொன்னுசாமி, முத்தையன் ஆகிய பெயர்கள் அதிகம் காணப் படுகின்றன. பன்மொழிச் சூழலில் வளர்ந்தாலும் தமிழிலேயே எழுத்து வழக்கங்கள் மேற்கொள்ளப் படுகின்றன

மொரிசியஸ் ஒலிபரப்புக் கூட்டு நிறுவனம், சேனல் 16 என்ற பிரிவில் தமிழில் சேவைகளை வழங்குகிறது. பத்திரிகை என்ற இதழ் தமிழ் மொழியில் கட்டுரைகளை வெளியிடுகிறது. ஒனெக்சு எப்.எம் தமிழ்ப் பாடல்களை ஒலிபரப்புகிறது. அவ்வப்போது தமிழ்த் திரைப்படங்களும் திரையிடப் படுகின்றன. 


பிற வானொலி நிலையங்களும் பகுதி நேரத் தமிழ் நிகழ்ச்சிகளை ஒலிபரப்புகின்றன. இந்தியத் தொலைக்காட்சியான பொதிகை டி.வியும் பிற அரசு தொலைக்காட்சிகளும் தமிழில் ஒளிபரப்பு செய்கின்றன. 

பெரும்பாலான தமிழர்கள் இந்து சமயத்தைச் சார்ந்தவர்கள். முருகன், மாரியம்மன் கோயில்கள் பெருமளவில் உள்ளன.


தைப்பூச நாள் மொரீசிஸ் நாட்டின் தேசிய அரசு விடுமுறையாக அறிவிக்கப்பட்டு உள்ளது. மொரிசியஸ் தமிழ்க் கோயில்கள் கழகம், தமிழ்ப் பண்பாட்டுக் கழகம் ஆகியன தமிழர் வாழ்வியலில் இயங்குகின்றன. 

இங்கே ஏறத்தாழ 120 தமிழ்க் கோயில்கள் உள்ளன. இவற்றில் 70 கோயில்கள் முருகனுக்கும், 40 கோயில்கள் அம்மனுக்கும் உரியவை.

ஏறத்தாழ 200 இளநிலைப் பள்ளிகளில் 100 பள்ளிகளில் தமிழ் கற்பிக்கின்றனர். 2013 ஆம் ஆண்டு இலக்குவனார் பெயரில் போர்ட் லூயிசில் தமிழ்ப் பள்ளி தொடங்கப் பட்டுள்ளது. தமிழைப் பல்கலைக் கழகத்தின் வழியாகப் படிக்க இந்திய அரசு உதவி வருகிறது.

01 March 2017

மகாபாரத எலும்புக்கூடு

 பொய்யாக இருந்தாலும் அந்தப் பொய் உவாக்கப்பட்ட பரபரப்பின் மேல் நம் அனைவருக்குமே சற்று அலாதியா ஆர்வம். அண்ல்மையில் ஒரு செய்தி. இணையத்தில் காய்ச்சல் பிடித்து கலாய்க்கும் செய்தி... அப்படிப் பரவிய ர் அதிசயமான பொய்.

ராமாயண மகாபாரத எலும்புக்கூடு என்று ஓர் எலும்புக்கூடு கண்டுபிடிக்கப் பட்டதாக ஒரு செய்தியை உருவாக்கி அதைப் பரவ விட்டு உயிரை வாங்கிக் கொண்டு இருக்கிறார்கள்.


மகாபாரதத்தில் ஒரு பாத்திரம் கடோத்கஜன். அவனுடைய 40 அடி எலும்புக்கூடு வட இந்தியாவில் கண்டுபிடிக்கப் பட்டது என்று ஒரு செய்தி. கடைசியில் இந்தப் புகைப்படங்கள் அனைத்தும் ‘தொல்பொருள் ஆராய்ச்சி’ எனும் தலைப்பில் நடத்தப்பட்ட போட்டியில் பிடிக்கப்பட்டவை.

வவை டிஜிட்டல் புகைப்பட ஆர்வலர்களுக்காக நடத்தப்பட்ட போட்டியின் போது எடுக்கப்பட்வை. எப்படியோ உண்மை ஒரு வழியாகத் தெரிய வந்தது. இருந்தாலும் மகாபாரத ரசிகர்கள் விடுவதாக இல்லை. ஆப்பிரிக்காவில் கிடைத்த எலும்புக் கூடுகளையும் சீனாவில் 
கிடைத்த எலும்புக் கூடுகளையும்  இணையத்தில் போட்டுத் தாக்குத் தாக்கு என்று தாக்கிக் கொண்டு இருக்கிறார்கள்.



உண்மையில் இது 2012 ஆம் ஆண்டு பிப்ரவரி 25 ஆம் தேதி கினோ டி டொமினிசிஸ் (Gino De Dominicis) எனும் இத்தாலிய சிற்பி இத்தாலி மிலான் நகரில் உருவாக்கிய இராட்சச மனித எலும்புக்கூடு. 




இந்த எலும்புக்கூடு ராமாயணம், மகாபாரதம் எதிலும் இல்லை. ஆனால் ராமாயண மகாபாரத எலும்புக்கூடு என்று ஓர் எலும்புக்கூடு கண்டுபிடிக்கப் பட்டதாக ஒரு செய்தியை உருவாக்கி அதற்கு உயிர் கொடுத்து அதைப் பரவ விட்டு உயிரை வாங்கிக் கொண்டு இருக்கிறார்கள்.
(சான்று: https://shewalkssoftly.com/page/227/?pages-list)


காந்தி நடனம்

வேலை வெட்டி இல்லாதவர்கள் அண்ணல் காந்தியையும் விட்டுவைக்கவில்லை. அவரைப் பற்றியும் தவறான படங்களை இணையத்தில் பதிவு செய்கிறார்கள்.

ஆங்கிலப் பெண்ணுடன் காந்தி நடனம் என்ற பெயரில் ஒரு புகைப்படம் பல வருடங்களாக இணையத்தில் பரவி வருகிறது. 
 




ஆனால் உண்மையில் அது ஆஸ்திரேலியா நடிகர் ஒருவர் காந்தியைப் போல வேடமிட்டு ஒரு பார்ட்டியில் நடனமாடும் போது எடுத்த புகைப்படம் ஆகும்.